​ഖസ്വീദത്തുൽ ബുർദ അര്‍ത്ഥം,ആശയം-​ ⁦⁦3️⃣1️⃣

🔹🔸🔹🔸🔹🔸🔹🔸🔹🔸

*​ഖസ്വീദത്തുൽ ബുർദ*

*അര്‍ത്ഥം,ആശയം-​ ⁦⁦3️⃣1️⃣*

〰〰〰〰〰〰〰〰〰〰

🔘 ﺑِﺴۡـــــــــﻢِ ﭐﻟﻠﻪِ ﭐﻟﺮَّﺣۡـﻤَـٰﻦِ ﭐﻟﺮَّﺣِـــــــﻴﻢْ

🌹مَــــوْلاَيَ صَلِّ وَسَلِّمْ دَائِمًا أَبَدًا✨

عَلَى حَبِيبِكَ خَيْرِ الْخَلْقِ كُــــلِّـــــهِـــــمِ✨

*🌷വരി ⁦⁦3️⃣1️⃣🌷*

*_🌷وَرَاوَدَتْهُ الْجِبَـالُ الشُّـمُّ مِـنْ ذَهَـبٍ_*

    *_عَـنْ نَفْسِـهِ فَـأَرَاهَا أَيَّـمَا شَـمَـمِ🌷_*

*ഉയർന്ന സ്വർണ്ണ പർവ്വതങ്ങൾ അവിടുത്തെ ﷺ മാടിവിളിച്ചു. എന്നാൽ, ആ പ്രലോഭനത്തിനു വഴങ്ങാതെ തന്റെ മനസ്സിനാണ് പർവതത്തെക്കാൾ ഔന്നത്യമെന്ന് അവിടുന്നു ﷺ കാണിച്ചു കൊടുത്തു.*

_പുണ്യ റസൂൽ ﷺ അനുഭവിച്ച ദാരിദ്ര്യത്തെക്കുറിച്ച് പ്രതിപാദിച്ചു കഴിഞ്ഞപ്പോൾ, മുത്ത് നബിക്ക് ﷺ ധന സമ്പാദനത്തിനുള്ള അവസരം നൽകാത്തതിനാലാണോ ഇങ്ങനെ ദാരിദ്ര്യത്താൽ പ്രയാസപ്പെടേണ്ടി വന്നത് എന്ന് ആരെങ്കിലും ചിന്തിച്ചുപോയാൽ അതിനുള്ള ഉത്തരമാണ് ഈ വരി. ഒരാൾക്കും ചിന്തിക്കാൻ പോലും പറ്റാത്തത്ര സമ്പത്തിന്റെ സ്രോതസുകൾ പുന്നാര ഹബീബിനു ﷺ മുന്നിൽ റബ്ബ് തുറന്നു വെച്ചിട്ടുണ്ടായിരുന്നു. എന്നാൽ ആ സമ്പത്തിനോട് യാതൊരു താൽപര്യവും കാണിക്കാതെ അവിടുന്ന് ﷺ തിരിഞ്ഞു കളയുകയാണ് ചെയ്തിട്ടുള്ളത്._

_ഈ വരിയെ ഒരു ആലങ്കാരിക പ്രയോഗമായി വ്യാഖ്യാനിക്കാം. ഭൗതിക പ്രലോഭനങ്ങൾക്കു വഴങ്ങാത്ത ആത്മീയ  വ്യക്തിത്വമായിരുന്നല്ലോ മുത്ത് നബി ﷺ. സത്യദർശനവുമായി രംഗത്തു വന്നപ്പോൾ അതിൽ നിന്നും പിന്തിരിയാൻ തിന്മയുടെ ശക്തികൾ അവിടുത്തേക്ക് ﷺ സമ്പത്തും അധികാരവും ദാമ്പത്യവുമെല്ലാം വാഗ്ദാനം ചെയ്തിരുന്നു. എന്നാൽ, സത്യ ദീൻ നമ്മിലേക്ക് എത്തിക്കാൻ മുത്ത് നബി ﷺ അതെല്ലാം നിരസിക്കുകയാണുണ്ടായത്. മാത്രവുമല്ല ഒരിക്കൽ പനയോലപ്പായയിൽ കിടന്ന് ശരീരത്തിൽ പാടുകൾ വീണത്, അതുകണ്ടപ്പോൾ നല്ലൊരു മെത്തയുണ്ടാക്കിത്തരട്ടെയോ എന്ന് പുണ്യ സ്വഹാബാക്കൾ رضي الله عنهم ചോദിച്ചപ്പോൾ എനിക്കെന്തിനാണ് ഈ നശ്വരവും നൈമിഷികമായ ദുനിയാവെന്നായിരുന്നു അവിടുന്ന് ﷺ പ്രതികരിച്ചത്._

_അതല്ല, ഇത് യഥാർത്ഥ സംഭവത്തിലേക്കുള്ള സൂചനയാണെന്നാണ് മറ്റൊരു വ്യാഖ്യാനം. ഒരിക്കൽ ജിബിരീൽ عليه السلام തിരുനബിയുടെ ﷺ സവിധത്തിലെത്തി ഇങ്ങനെ പറഞ്ഞു: "അല്ലാഹു അങ്ങേക്ക് ﷺ അഭിവാദ്യമർപ്പിക്കുകയും ഈ പർവതങ്ങൾ എപ്പോഴും അങ്ങയുടെ ﷺ കൂടെയുണ്ടാകും വിധം സ്വർണവും വെള്ളിയും ആക്കിത്തരട്ടെയോ എന്ന് ചോദിക്കാൻ ഏല്പിക്കുകയും ചെയ്തിരിക്കുന്നു" എന്ന്. മറുപടിയായി അവിടുന്ന് ﷺ പറഞ്ഞു: "ജിബിരീൽ عليه السلام..., ഈ ലോകം  വീടില്ലാത്തവന്റെ വീടാണ്. മുതലില്ലാത്തവന്റെ മുതലാണ്. വിഡ്ഢികൾ അതിനെ വാരിക്കൂട്ടുന്നു."_

_മറ്റൊരിക്കൽ അവിടുന്ന് ﷺ പറഞ്ഞു. എന്റെ റബ്ബ് മക്കയുടെ കുന്നിൻപുറങ്ങൾ നിറയെ എനിക്ക് സ്വർണം കാണിച്ചുതന്നു. ഞാൻ പറഞ്ഞു: "വേണ്ട റബ്ബേ..., ഒരുനാൾ വിശന്നും അടുത്ത നാൾ തിന്നും ഞാൻ കഴിഞ്ഞുകൊള്ളാം. വയറു നിറയുമ്പോൾ നിന്നെ സ്തുതിക്കാം. വിശക്കുമ്പോൾ നിന്നെ വണങ്ങുകയും പ്രാർത്ഥിക്കുകയും ചെയ്യാം."

▪▪▪▪▪▪▪▪▪▪▪