ഖസ്വീദത്തുൽ ബുർദ അര്‍ത്ഥം,ആശയം-​ 35

🔹🔸🔹🔸🔹🔸🔹🔸🔹🔸

*​ഖസ്വീദത്തുൽ ബുർദ*

*അര്‍ത്ഥം,ആശയം-​ ⁦⁦3️⃣5️⃣*

〰〰〰〰〰〰〰〰〰〰

🔘 ﺑِﺴۡـــــــــﻢِ ﭐﻟﻠﻪِ ﭐﻟﺮَّﺣۡـﻤَـٰﻦِ ﭐﻟﺮَّﺣِـــــــﻴﻢْ

🌹مَــــوْلاَيَ صَلِّ وَسَلِّمْ دَائِمًا أَبَدًا✨

عَلَى حَبِيبِكَ خَيْرِ الْخَلْقِ كُــــلِّـــــهِـــــمِ✨

*🌷വരി ⁦⁦3️⃣5️⃣🌷*

🌷نَـبِـيُّـنَا الْآمِرُ النَّاهِـى فَـلاَ أَحَـدٌ

         أَبَـرَّ فِـى قَـوْلِ لاَ مِـنْهُ وَلاَ نَعَـمِ🌷

*നന്മ അനുശാസിക്കുകയും തിന്മ തടയുകയും ചെയ്യുന്നവരാണ് നമ്മുടെ തിരുനബി ﷺ. വിധിക്കാനും വിലക്കാനും അവിടുത്തെക്കാൾ ﷺ സത്യസന്ധരായി ആരുമില്ല.*

_മുത്ത് നബിയുടെ ﷺ ദൗത്യത്തിന്റെ കാതലായ ഭാഗം നന്മ കൽപ്പിക്കുക തിന്മ തടയുക എന്നതാണ്. ഒരു കാര്യത്തിന്റെ അസ്തിത്വത്തെ അംഗീകരിക്കുവാനും നിഷേധിക്കുവാനും അവിടത്തെക്കാൾ ﷺ യോഗ്യരായി ആരാണുള്ളത്. അവിടുന്ന് ﷺ ഉന്നതരും അല്ലാഹുവിന്റെ സുവിശേഷകരുമാണല്ലോ.! (നബി എന്ന പദത്തിന് ഇങ്ങനെ രണ്ടർത്ഥങ്ങളുണ്ട്). പ്രതിഫലത്തെക്കുറിച്ചും ശിക്ഷയെ കുറിച്ചുമുള്ള സൂചനയാണ് ഇവിടെ എന്നും വ്യാഖ്യാനമുണ്ട്. തിരുനബിയിൽ ﷺ നിന്നുള്ള കൽപനകളും നിരോധനകളും അല്ലാഹുവിന്റെ ഉത്തരവുകൾ തന്നെയാണ്. ഖുർആനിൽ അല്ലാഹു പറയുന്നു:_

وَمَا يَنطِقُ عَنِ الْهَوَىٰ 0 إِنْ هُوَ إِلَّا وَحْيٌ يُوحَىٰ 0

 _(തിരുനബി ﷺ തോന്നിയതുപോലെ സംസാരിക്കുന്നില്ല, ഈ സന്ദേശം അദ്ദേഹത്തിനു ﷺ നൽകപ്പെട്ട ദിവ്യബോധനം മാത്രമാണ്)[53-3,4 النجم ]_

_അല്ലാഹു തന്നെ ഇങ്ങനെ വ്യക്തമാക്കിയിരിക്കെ മുത്ത് നബിയുടെ ﷺ വാക്കുകളുടെ ആധികാരികതയെപ്പറ്റി സംശയിക്കാൻ അവസരമില്ലല്ലോ. കൂടാതെ ഓരോ ദിനം കഴിയുന്തോറും വ്യക്തമായി പുലർന്നുകൊണ്ടിരിക്കുന്ന തിരുനബിയുടെ ﷺ പ്രവചനങ്ങളിലേക്ക് കൂടിയാവാം ഈ വരികൾ വിരൽചൂണ്ടുന്നത്._

_നന്മ അനുശാസിക്കുകയും തിന്മ തടയുകയും വിശ്വാസികളുടെ കർത്തവ്യമായി അല്ലാഹുവും തിരുദൂതരും ﷺ വ്യവസ്ഥ ചെയ്തിട്ടുമുണ്ട്. അവരാണ് വിജയികൾ. വിശ്വാസികൾ അപ്രകാരം ചെയ്തില്ലെങ്കിൽ അല്ലാഹുവിന്റെ ഭാഗത്തുനിന്നുള്ള ശിക്ഷ ലഭിക്കുവാനും പ്രാർത്ഥനകൾക്ക് ഉത്തരം ലഭിക്കാതിരിക്കുവാനും കാരണമാകുമെന്നും ഹദീസിൽ വന്നിരിക്കുന്നു.

▪▪▪▪▪▪▪▪▪▪▪